Nochiziqli sxemalarni kontaktsiz kommutatsiyalovchi qurilmalarda ishlatish

Dolzarbligi: maqolada iste’molchiga uzatiladigan energiya sifatini yaxshilash uchun tez va oddiy qurilma yaratish, ya’ni ta’minot tarmog’idagi kuchlanishning sinusoidalligi va barqarorligini maqbul qiymatlar doirasida saqlash, uch fazali elektr ta'minoti tizimi kuchlanishi va tokining nosimetriyasini qisman qisqartirish masalalari muhokama qilinadi. Nochiziqli sxemalar asosida yaratilgan kontaktsiz kuchlanish relesi parametrlari va diagrammalari berilgan. Nochiziqli elektr zanjirining olingan differensial tenglamalarini nazariy oʻrganish uchun Eylerning sonli usuli va Lagranj erkin konstantalarini oʻzgartirish usuli qoʻllanildi. Maqolada oʻrganilgan nochiziqli sxemalar yordamida voltqoʻshuvchi transformatorining chulg’amlarini tartibga solish masalalari koʻrib chiqiladi. Elektr energiyasi sifatini yaxshilaydigan qurilmaning sxemasi, uning “kirish-chiqish” kuchlanishining oʻzgarishi xususiyatlari va voltqoʻshuvchi kuchlanish stabilizatorining eksperimental kuchlanish oʻzgarishi egri shakli berilgan.

Maqsad: ushbu maqolaning maqsadi iste’molchiga uzatiladigan elektr energiyasining sifatini yaxshilashda voltqoʻshuvchi transformatorning samarali ishlashi uchun ishonchli, tez va oddiy sxemani yaratishdir. Elektr ta’minoti tarmog’idagi kuchlanishning sinusoidalligi va barqarorligini maqbul qiymatlar doirasida saqlab turish, uch fazali ta’minot tarmog’ida kuchlanish va tok nosimetriyasini qisman kamaytirish bilan birga, 6-10; 0,4 kV tarmoqlarda kuchlanish va quvvat yoʻqotishlarini kamaytiradi.

Usullari: ushbu ishda nochiziqli rezistiv zanjirlarining olingan differensial tenglamalarini nazariy tahlil qilish uchun Eylerning son usuli va Lagranj erkin doimiy oʻzgarishlar usuli qoʻllaniladi.

Natijalar: kontaktsiz kuchlanish rele ishlatadigan tartibga solish tizimida voltqoʻshuvchi transformatorni seriyali ishlab chiqarish ularni 6-10, 0,4 kV kuchlanishli tarmoqlarni rekonstruksiya qilishda, shu jumladan transformator punktlarida yoki kesish liniyalarida foydalanishga imkon beradi hamda elektr energiyasi iste’molchilarining kuchlanish darajasini avtomatik ravishda tartibga solishda samarali va tez (0,01 sek) ishlash imkonini beradi. Voltqoʻshuvchi transformatorlarining bunday ulanishi yuqorida qayd etilgan tarmoqlarni toʻliq rekonstruksiya qilishdan koʻra arzonroqdir.