Tabiiy gaz bosimini pasaytirish punktlarida detander-generator qurilmalarining xususiyatlarini oʻrganish

Dolzarblik: ish, detander-generator qurilmalarining xususiyatlarini oʻrganish va detander-generator фgregatini kirish qismida gazni isitishning maqbul usulini tanlash zarurati bilan bogʻliq boʻlib, u asosan elektr energiyasini ishlab chiqarish uchun maxsus yoqilgʻi sarfini aniqlaydi. Uzoq masofadagi gaz taqsimlash stantsiyalari va gaz boshqarish punktlari uchun avtonom qurilmalar sifatida ishlatiladigan detander-generator agregatining turli parametrlari, detanderlashdan oldin gazni isitish usullarini, masalan, qozon va gaz turbinasi qurilmalarining chiqindi gazlaridan foydalanish hisobga olgan holda, tahlil qilinadi. Hisob-kitoblar shuni koʻrsatdiki, gazni ozgina isitish uchun qozonda isitishni ishlatish afzalroqdir va gazni isitish harorati koʻtarilganda, gaz turbinasi qurilmasi tutun gazlaridan foydalanish iqtisodiy jihatdan foydali boʻladi.

Maqsad: korxonada DGA dan foydalanish toʻgʻrisida qaror qabul qilishda asosiy omil hisoblanadigan va DGA samaradorligini oshirishga va elektr energiyasini ishlab chiqarish xarajatlarini kamaytirishga imkon beradigan ixtisoslashgan qozon yoki gaz turbinasi qurilmasi yordamida gazni isitishning maqbul usulini tanlash.

Usullar: ishda qoʻyilgan vazifalarni yechishda texnik termodinamikaning nazariy usullari va eksperimental yondashuvlarni oʻz ichiga olgan kompleks usul qoʻllanilgan. Nazariya va amaliyotning hozirgi holatini tahlil qilish, shuningdek, turbinli tipdagi sozlanishi detander bilan reduksiya liniyasining natural modelida tajribalar oʻtkazildi.

Natijalar: isitishning turli xil variantlari boʻyicha olingan natijalar shuni koʻrsatdiki, gazni isitish uchun gaz turbinasi qurilmasi tutun gazlaridan foydalanish eng katta quvvatni ta’minlaydi. Har xil gaz bosimi va isitish haroratida elektr energiyasini ishlab chiqarish uchun oʻziga xos yoqilgʻi sarfini tahlil qilish shuni koʻrsatdiki, kichik isitishda qozonda isitishdan foydalanish foydaliroq boʻladi, gazni isitish harorati koʻtarilganda esa gaz turbinasi qurilmasi tutun gazlaridan foydalanish iqtisodiy jihatdan maqsadga muvofiq boʻladi.