Электр ускуналарнинг ишдан чиқишига таъсир этувчи омилларни аниқлаш усули ва алгоритми
Referat
Долзарблик: Электр ускуналарнинг ишдан чиқишига таъсир этувчи омилларни аниқлаш ҳозирги кунда электр энергияси истеъмолини оптималлаштириш ва ускуналарнинг ишончлилигини оширишда муҳим аҳамиятга эга. Айниқса, ишлаб чиқариш корхоналарида электр ускуналарнинг ишдан чиқиши ишлаб чиқариш жараёни узлюксизлигига салбий таъсир кўрсатади ва ортиқча харажатларни келтириб чиқаради. Ушбу тадқиқот ускуналарнинг ишдан чиқишига таъсир этувчи асосий омилларни аниқлаш, уларнинг ўзаро боғлиқлигини таҳлил қилиш ва ускуналарнинг ишлаш ҳолатини яхшилашга қаратилган.
Мақсад: Тадқиқотнинг мақсади электр ускуналарнинг ишдан чиқишига таъсир этувчи омилларни аниқлаш, уларни асосий ва ёрдамчи гуруҳларга ажратиш ҳамда ушбу омилларни таҳлил қилиш учун алгоритм ишлаб чиқишдан иборат. Шунингдек, ишдан чиқишни олдиндан башорат қилишда самарали восита бўлувчи усулларни таклиф этиш тадқиқотнинг асосий вазифаларидир.
Усуллар: Тадқиқот жараёнида электр ускуналарнинг ишдан чиқишига таъсир этувчи омилларни аниқлашда замонавий таҳлил ва моделлаштириш усулларидан фойдаланилди. Эксперт баҳолаш усули орқали омилларнинг ишдан чиқишга таъсир даражаси баҳоланди. Натижаларни чуқурроқ таҳлил қилиш учун коррелятсион матритса қурилди, бу эса омиллар ўртасидаги ўзаро боғлиқликни аниқлаш имконини берди. Шунингдек, омилларни баҳолаш ва таҳлил қилиш учун махсус алгоритм ишлаб чиқилди.
Натижалар: Тадқиқот натижаларига кўра, электр ускуналарнинг ишдан чиқишига таъсир этувчи асосий ва ёрдамчи омиллар аниқланди. Эксперт баҳолаш натижалари асосида ишдан чиқишга энг катта таъсир этувчи омиллар танлаб олинди. Коррелятсион матритса асосида мазкур омилларнинг ўзаро боғлиқлик коеффитсиентлари ҳисобланди, бу эса омилларнинг ишдан чиқиш жараёнига таъсирини аниқроқ баҳолаш имконини берди. Тадқиқот давомида ишлаб чиқилган алгоритм электр ускуналарнинг ишлаш ҳолатини таҳлил қилиш ва носозликларни олдиндан башорат қилишда юқори самарадорлик кўрсатди. Ушбу алгоритм ишлаб чиқариш жараёни узлюксизлигини таъминлашда муҳим восита бўлиб хизмат қилади. Тадқиқот натижалари, шунингдек, электр ускуналар учун техник хизмат кўрсатиш режаларини такомиллаштиришда, ишдан чиқиш хавфини камайтиришда ва ишлаб чиқариш жараёнининг самарадорлигини оширишда амалда қўлланиши мумкин.
